Choose language:

Novas


  • Home
  • News
  • Posts

    • Paula Alvarellos participa no podcast ‘Xuventude Lucense en Europa’ promovido polo centro Europe Direct Lugo para dar voz á mocidade

    A gravación tivo lugar no Salón de Plenos do Concello coa participación de estudantes dos centros Divino Maestro e San José, Escolas Embaixadoras do Parlamento Europeo.

    “Escoitar á mocidade é esencial para construír unha sociedade máis participativa e consciente dos retos que compartimos en Lugo e en Europa”, destacou a rexedora.

    Este pioneiro proxecto promove a reflexión crítica e a cidadanía activa da mocidade lucense como parte fundamental do seu desenvolvemento persoal e educativo.

    A alcaldesa de Lugo, Paula Alvarellos, participou esta semana no podcast ‘Xuventude Lucense en Europa’, unha iniciativa pioneira promovida polo centro Europe Direct Lugo, dependente da Concellería de Dinamización Económica e Relacións Institucionais. O Salón de Plenos da Casa Consistorial foi o escenario escollido para a gravación deste novo episodio que contou coa participación de estudantes dos centros educativos CPR Divino Maestro e Colexio FEC San José, ambos membros da rede de Escolas Embaixadoras do Parlamento Europeo (EPAS).

    Este proxecto, que se puxo en marcha no mes de decembro, ten como finalidade fomentar a reflexión, o diálogo e e a participación activa da mocidade lucense nos principais retos locais e europeos. “É fundamental escoitar á xuventude porque as súas ideas e perspectivas serán as que definan o noso futuro. Este podcast é un exemplo de como establecer un diálogo construtivo entre xeracións e reforzar o vínculo da mocidade coas institucións”, destacou a rexedora.

    Os participantes debateron en formato podcast, moderados por un presentador, abordando catro grandes bloques temáticos: Medio Ambiente e Cambio Climático, Igualdade, Lugo e Europa. A actividade incluíu tamén preguntas abertas á alcaldesa, xerando un interesante intercambio de opinións. Neste senso, Alvarellos resaltou a importancia dos temas tratados e apuntou que “escoitar á mocidade é esencial para construír unha sociedade máis participativa e consciente dos retos que compartimos en Lugo e en Europa”.

    Pola súa banda, o concelleiro de Dinamización Económica, Mauricio Repetto, subliñou o valor deste proxecto como exemplo de innovación educativa e compromiso coa cidadanía. Así mesmo, os docentes e coordinadores das Escolas Embaixadoras destacaron a utilidade do formato podcast para que os estudantes desenvolvan habilidades de comunicación e expresen as súas ideas nun entorno colaborativo.

    Estruturado en tres fases, o proxecto comezou cun traballo de preparación por parte do alumnado, seguido de gravacións iniciais nos centros educativos, e nesta ocasión chegou ao Salón de Plenos do Concello para dar voz aos mozos e mozas nun espazo institucional emblemático: a casa de todos os lucenses.

    Os dous primeiros capítulos, gravados nos propios centros educativos xa están dispoñibles no canal de YouTube da oficina Europe Direct Lugo (https://acortar.link/1532a3) mentres que o episodio gravado na Casa Consistorial publicarase a mediados da vindeira semana nesta mesma canle.

    O podcast ‘Xuventude Lucense en Europa’ é un exemplo de comunicación innovadora, promovendo a reflexión crítica e a cidadanía activa da mocidade lucense como parte fundamental do seu desenvolvemento persoal e educativo.

    Colaboración entre o centro Europe Direct Lugo e as EPAS

    Este proxecto é unha iniciativa do centro municipal de información europea Europe Direct Lugo en colaboración coas Escolas Embaixadoras do Parlamento Europeo. O programa EPAS, no que participan os centros Divino Maestro e San José, ten como obxectivo achegar á mocidade o coñecemento activo da Unión Europea e do Parlamento Europeo. Mediante actividades prácticas e debates, busca promover os valores de participación democrática, igualdade e cidadanía activa, conectando o ámbito local co europeo.

    A Noite Europea das Persoas Investigadoras reuniu a decenas de lucenses na Praza e o Mercado Municipal, co apoio do Concello

    A iniciativa, impulsada polo Campus Terra coa colaboración do centro Europe Direct Lugo, incluíu obradoiros lúdicos e de balde sobre temáticas científicas e tecnolóxicas.

    Mauricio Repetto: “Trátase dunha magnífica oportunidade para descubrir vocacións científicas entre a mocidade e visibilizar a gran potencialidade do Campus Terra lucense”.

    O edil de Dinamización Económica, Mauricio Repetto, participou este venres na Noite Europea das Persoas Investigadoras, G-Night, organizada polo Campus Terra, a través de XuvenCiencia e Agromar, coa colaboración do Concello de Lugo. A iniciativa tivo lugar no Mercado Municipal e na Praza de Abastos e incluíu numerosos obradoiros lúdicos e de balde sobre temáticas científicas e tecnolóxicas como robótica, intelixencia artificial, realidade aumentada, química ou impresión 3D, entre outras.

    Neste senso, o concelleiro puxo en valor a colaboración permanente que o Executivo Municipal mantén coa Universidade para apoiar as iniciativas que se poñen en marcha dende o Campus Terra, “co obxectivo de ofercer os mellores servizos e traballar xuntos polo futuro de Lugo”, ao tempo que describiu esta iniciativa como “unha magnífica oportunidade para descubrir vocacións científicas entre a mocidade e visibilizar a gran potencialidade do Campus lucense, como un campus referente no ámbito tecnolóxico”.

    Decenas de persoas participaron nestas actividades, promovidas pola USC coa colaboración do Concello, a través do centro Europe Direct Lugo, que tamén incluíron exhibicións e charlas para toda a familia.

    O Concello de Lugo adhírese á rede Construír Europa coas Autoridades Locais para intensificar a comunicación e difusión da UE no municipio

    A rexedora, Paula Alvarellos, vén de informar da incorporación de Lugo á Rede BELC, unha plataforma europea de representantes políticos elixidos no ámbito local.

    “Crear conversacións sobre a UE a escala local é esencial para manter o impulso xerado pola Conferencia sobre o Futuro de Europa e no marco de NextGenerationEU”, apuntou Alvarellos.

    Lugo é tamén o único concello de Galicia que alberga un centro Europe Direct, “que neste 2024 celebra 15 anos achegando a Unión Europea e as súas institucións á cidadanía”.

    O Concello de Lugo vén de adherirse á rede Construír Europa coas Autoridades Locais –Rede BELC, polas súas siglas en inglés– co obxectivo de intensificar a comunicación e difusión da Unión Europea no municipio. Así o explicou a rexedora, Paula Alvarellos, quen informou que a finalidade deste proxecto é crear unha rede europea de representantes políticos elixidos no ámbito local, co propósito de fomentar a comunicación de asuntos da UE mediante unha alianza entre as estruturas de goberno europeas e locais.

    Deste xeito, o proxecto facilita que os representantes políticos colaboren e difundan información sobre asuntos da UE que afectan á súa circunscrición a escala local. Tamén axuda a impulsar a implicación da cidadanía e a establecer debates ao redor deses mesmos temas, así como sobre o futuro de Europa. Neste senso Alvarellos apuntou que “crear conversacións sobre a UE a escala local é esencial para manter o impulso xerado pola Conferencia sobre o Futuro de Europa e no marco de NextGenerationEU”.

    A alcaldesa, acompañada do edil de Dinamización Económica, Mauricio Repetto, levou a cabo o descubrimento dunha praca identificativa situada no edificio do CEI Nodus, onde tamén se localiza a oficina Europe Direct Lugo, “que neste 2024 celebra 15 anos achegando a Unión Europea e as súas institucións á cidadanía lucense, sendo Lugo o único concello en Galicia que dispón deste servizo, tras ser seleccionado pola Comisión Europea polo traballo desenvolvido ao longo de todos estes anos para informar e involucrar á cidadanía nos asuntos europeos”.

    O proxecto BELC foi posto en marcha recentemente pola Comisión en estreita colaboración co Parlamento Europeo e a Rede europea de correspondentes rexionais e locais da UE do Comité Europeo das Rexións. Actualmente, forman parte da mesma 164 concellos de toda España, 7 da comunidade galega.

    Os membros da rede teñen diferentes beneficios, como acceso privilexiado a fontes de comunicación oficiais da UE, materiais de comunicación, seminarios en liña e presenciais, visibilidade a escala da UE das actividades levadas a cabo polos membros no contexto da rede, ou o acceso a unha activa rede de contactos formada por outros participantes da rede a través dunha plataforma en liña específica para iso.

    Europe Direct Lugo organiza unha xornada sobre desinformación e fake news co politólogo e investigador Pablo Simón

    O evento baixo o título: “Europa responde: desinformación e fake news”, terá lugar este xoves, a partir das 9:30 horas, no auditorio do centro cultural O Vello Cárcere.

    Na xornada tamén participará María Campo, da Representación da Comisión Europea en España; e Teresa Coutinho, da Oficina do Parlamento Europeo en España.

    Será aberta ao público e con acceso libre ata completar aforo e estará dirixida a estudantes, profesorado e á comunidade universitaria do Campus Terra.

    Pablo Simón é profesor titular de ciencia política na universidade Carlos III de Madrid e  analista habitual en medios de comunicación como La Sexta, TVE ou Cadena SER.

    O centro municipal de información europea Europe Direct Lugo organiza este xoves no auditorio do Vello Cárcere unha xornada sobre desinformación e fake news, coa participación do politólogo e investigador Pablo Simón, analista habitual en medios de comunicación como La Sexta, TVE ou Cadena SER. A xornada, que será aberta ao público e con acceso libre ata completar aforo, estará dirixida a estudantes e profesorado, especialmente dos centros de ensino da rede de Escolas Embaixadoras do Parlamento Europeo (EPAS) e, en xeral, á comunidade universitaria do Campus Terra lucense.

    No evento, que dará comezo ás 9:30 horas, tamén participarán de forma telemática María Campo, membro do equipo de comunicación da Representación da Comisión Europea en España; e Teresa Coutinho, responsable de educación e mocidade na Oficina do Parlamento Europeo en España. Sobre as 10:30 horas dará comezo a conferencia presencial de Pablo Simón, quen respostará as cuestións e inquietudes que planteen as persoas asistentes.

    O obxectivo desta xornada, baixo o título “Europa responde: desinformación e fake news”, será combater os falsos mitos e a desinformación ao redor da UE, ao mesmo tempo que se proporciona información sobre as institucións europeas, as políticas e as prioridades de actuación da Unión, así como as oportunidades da UE para os mozos e mozas, nun momento trascendental pola celebración das eleccións ao Parlamento Europeo, que terán lugar o vindeiro 9 de xuño en España.

    Neste senso, o edil de Dinamización Económica e Relacións Institucionais, Mauricio Repetto, convidou a toda a cidadanía interesada a asistir e, especialmente, á mocidade lucense, “para coñecer máis sobre o funcionamento da Unión Europea, as oportunidades de mobilidade e formación que ofrece ao estudantado, así como obter ferramentas para facer fronte á desinformación e ás noticias falsas, un fenómeno en auxe nas redes, especialmente en épocas electorais”.

    Sobre o ponente

    Pablo Simón é profesor titular de ciencia política no Departamento de Ciencias Sociais da Universidade Carlos III de Madrid. É doutor en ciencias políticas e sociais pola Universitat Pompeu Fabra e foi investigador postdoutoral na Université Libre de Bruxelles.

    Os seus principais campos de investigación son a política comparada, os sistemas electorais e de partidos, o comportamento electoral, a participación política da mocidade ou a descentralización política e fiscal.

    É coautor de “La Urna Rota” e “El Muro Invisible”, publicacións conxuntas de Politikon, e autor de libros como “Votar en tempos da Gran Recesión”, “O Príncipe Moderno: Democracia, política e poder” ou “Coroa: Política en Tempos de Pandemia”. O seu último libro divulgativo é “Entender a política: Unha guía para novatos”.

    XI CONCURSO DE FOTOGRAFÍA “CIDADANÍA EUROPEA EN GALICIA”

    EUROPE DIRECT A Coruña e EUROPE DIRECT Lugo, centros oficiais de información da Comisión Europea, convidan as persoas residentes en Galicia maiores de idade a participar no XI Concurso de Fotografía Cidadanía Europea en Galicia: “Europa preto de ti”.

    Con motivo da súa undécima edición, o Concurso de Fotografía Cidadanía Europea en Galicia convida a representar nunha imaxe como a Unión Europea está presente no teu día a día, aproveitando que este ano 2024 celébranse as Eleccións Europeas e ademais celébranse dous aniversarios crave:

    • 30 anos de EURES: A rede europea de servizos de emprego celebra 30 anos axudando ás persoas para atopar emprego en Europa e aos empregadores para atopar persoal. EURES é unha rede de ao redor de 1.000 asesores de servizos de emprego con presenza en 31 países. Facilita a liberdade de circulación de persoas por motivos laborais.

    • 20 anos da gran ampliación: o 1 de maio de 2004 cúmprese o vixésimo aniversario da ampliación da Unión Europea cara a Europa Central e Oriental, Chipre e Malta. Nesa data incorporáronse á Unión Europea dez novos países e ao redor de 75 millóns de habitantes. Esta expansión foi denominada o “big bang” cando a UE pasou de quince a vinte e cinco estados membro. 

    Envíanos a túa fotografía e comparte connosco como de cerca ves a Europa!

    Toda obra debe incluír un símbolo representativo da Unión Europea.

    PARTICIPA neste concurso e GANA un fantástico premio!!

    BASES

    FORMULARIO DE PARTICIPACIÓN

    BASES DO CONCURSO

    1. Organización

    EUROPE DIRECT A Coruña e EUROPE DIRECT Lugo (de agora en diante “os organizadores”) convocan o undécimo concurso de fotografía baixo o lema “Europa preto de ti” (de agora en diante “o Concurso”) a través da páxina de Facebook creada a tal fin en https://www.facebook.com/concursocidadaniaeuropeaengalicia.

    2. Persoas participantes

    Poderán participar as persoas residentes en Galicia maiores de 18 anos que se animen a desafiar o obxectivo da súa cámara.

    3. Tema

    O lema do concurso é “Europa preto de ti”, co obxectivo de destacar que este ano 2024 se celebran Eleccións Europeas e ademáis, teñen lugar dous aniversarios clave:

    • 30 anos de EURES: EURES é a rede europea de servizos de emprego que ten como misión facilitar a liberdade de circulación das persoas por motivos laborais. Conta cunha rede de preto de 1.000 asesores de servizos de emprego con presenza en 31 países.
    • 20 anos da gran ampliación: O 1 de maio de 2004 é o vixésimo aniversario da ampliación da Unión Europea cara a Europa Central, do Leste, Chipre e Malta. Dez novos países e uns 75 millóns de habitantes adherísonse á Unión Europea nesa data. Esta ampliación foi bautizada como o ‘big bang’ ao pasar a UE de quince a vintecinco Estados membros.

    A continuación, figuran algunhas ideas sobre os temas que podes reflectir na túa fotografía, pero non esquezas que hai moitos máis:

    – Como está a Unión Europea presente no meu día a día?

    – Como afronta a UE os retos medioambientais e dixitais?

    – Tiveches algunha experiencia de traballo noutro país da Unión Europea?

    – Visitaches algún dos países da gran ampliación?

    Comparte como de preto ves a Unión Europea no teu día a día: instalacións públicas, visitas culturais, actividades de aprendizaxe, transporte local, etc.

    Toda obra debe incluír un símbolo representativo da Unión Europea.

    Utilizarase o hashtag #CidadaniaEuropeaEnGalicia

    4. Número de fotos

    Cada persoa participante poderá presentar unha ou varias fotografías ou unha ou varias montaxes de fotografías. A fotografía ou fotografías serán orixinais, únicas e inéditas. Poderá(n) ser tomada(s) con cámara dixital, móbil ou outro dispositivo electrónico. A persoa participante poderá presentar varias fotografías de maneira independente ou en serie. Se son individuais deberán ter cada unha o seu formulario de participación. No caso de que se trate dunha serie, deberá sinalarse no formulario de participación.

    No caso de que nas fotografías aparezan imaxes que permitan a identificación de persoas, será necesario que a persoa participante no concurso obteña o consentimento das persoas interesadas para a súa publicación. EUROPE DIRECT A Coruña e EUROPE DIRECT Lugo quedan exentos de calquera responsabilidade.

    5. Formato e tamaño

    A técnica de realización será libre. As fotografías deberán enviarse en formato PNG, cunha resolución mínima de 300 píxels/píxeles e un tamaño máximo de 20 megas.

    6. Presentación dás fotografías

    As fotografías deberán enviarse ao correo electrónico cidadaniaeuropeaengalicia@gmail.com acompañando o formulario de participación. 

    As fotografías serán subidas automaticamente á páxina de Facebook do concurso.

    7. Prazo de presentación

    Poderás participar desde o 11/03/2024 ata o 11/04/2024, ás 14.00 h.

    Non serán válidas en ningún caso as fotografías recibidas antes ou despois do devandito prazo, así como as que non cumpran todos os requisitos do concurso. Igualmente non serán válidas as participacións correspondentes a perfís fraudulentos.

    8. Valoración e xurado

    O xurado estará composto por 5 persoas: dúas en representación de cada EUROPE DIRECT organizador e unha persoa experta en fotografía.

    Para a elección dás obras gañadoras teranse en conta os seguintes criterios:

    -Adecuación á temática.

    -Calidade.

    -Orixinalidade.

    -Mensaxe transmitida.

    Ademais, valorarase a mensaxe europea, a presentación artística e a aplicación pedagóxica do seu contido.

    9. Colaboración e difusión do concurso

    O Centro de Estudos e Documentación Europea (CEDE) da Universidade de Santiago de Compostela colaborará na difusión deste concurso.

    10. Data de publicación de persoas gañadoras

    Os nomes das persoas gañadoras serán publicados na páxina web do concurso o día 18 de abril de 2024.

    As persoas gañadoras deberán remitir a documentación requirida polos centros EUROPE DIRECT nos 3 días hábiles posteriores á comunicación co obxectivo de comprobar que reúnen os requisitos esixidos para a participación no concurso. No caso de que non sexa así, a persoa gañadora pasará a ser automaticamente a suplente 1 (elixida previamente polo xurado) e así sucesivamente.

    11. Premios

    Cada EUROPE DIRECT fará entrega de dous premios e haberá un total de 4 premios individuais a repartir. Os premios concederanse como figura a continuación:

    – EUROPE DIRECT A Coruña:

    1.º Premio: 1 Cámara de fotos

    2.º Premio: 1 Tablet

    – EUROPE DIRECT Lugo:

    1.º Premio: 1 Cámara de fotos

    2.º Premio: 1 Tablet

    Cada persoa participante deberá indicar no formulario de participación o centro EUROPE DIRECT ao que presenta a súa fotografía.

    Aos autores das fotografías premiadas notificaráselles a súa condición de gañadores a través da dirección de correo electrónico facilitada a efectos de comunicacións.

    Os organizadores resérvanse o dereito para substituír os premios por outros de igual ou maior valor se algún ou todos os premios sinalados non estivesen dispoñibles por calquera motivo.

    As persoas gañadoras poderán renunciar ao premio, pero, en ningún caso, poderán trocalo por outro distinto nin polo seu importe en metálico.

    12. Entrega de premios

    A entrega de premios realizarase nun acto o 9 de maio de 2024, coincidindo coa celebración do Día de Europa.

    Informarase oportunamente ás persoas gañadoras do lugar e hora exactos. As persoas gañadoras deberán recoller o premio persoalmente ou ben a través da persoa que designen.

    Se non fose posible poñerse en contacto coas persoas gañadoras nos 3 días hábiles posteriores á comunicación, a persoa gañadora pasará a ser automaticamente a persoa suplente 1 (elixida previamente polo xurado) e así sucesivamente.

    X CONCURSO DE FOTOGRAFÍA “CIDADANÍA EUROPEA EN GALICIA”

    EUROPE DIRECT A Coruña e EUROPE DIRECT Lugo, centros oficiais de información da Comisión Europea, convidan as persoas residentes en Galicia maiores de idade a participar no X Concurso de Fotografía Cidadanía Europea en Galicia: “Unha viaxe pola Unión Europea”.

    Con motivo da súa décima edición, o Concurso de Fotografía Cidadanía Europea en Galicia quere facer unha viaxe pola Unión Europea, aproveitando que este ano 2023 celébranse dous aniversarios crave:

    • 30 anos do Mercado Interior: O mercado interior da Unión Europea é un mercado único no que circulan libremente os bienes, os servizos, o capital e as persoas, e dentro do cal os cidadáns europeos poden vivir, traballar, estudar ou facer negocios con liberdade.
    • 5 anos de DiscoverEU: DiscoverEU é unha acción do programa Erasmus+ que ofrece aos mozos de 18 anos de idade a oportunidade de viaxar por toda Europa.

    Envíanos a túa fotografía e comparte connosco a túa viaxe pola Unión Europea!

    Toda obra debe incluír un símbolo representativo da Unión Europea.

    PARTICIPA neste concurso e GANA un fantástico premio!!

    BASES

    FORMULARIO DE PARTICIPACIÓN

    Los centros Europe Direct de toda Europa se encuentran en Milán.

    Del 30/05 al 01/06 los centros Europe Direct estaremos en la ciudad italiana de Milán para acudir a una nueva edición del Annual General Meeting.

    Un evento que nos ayudará a resolver y atender a todos los usuarios que acudís a nuestras oficinas de Europe Direct Lugo con consultas y sugerencias para hacer de Europa un lugar mejor.

    https://audiovisual.ec.europa.eu/en/video/I-213926?&lg=SV

    Celebración del Día de Europa 2022

    En la tarde de ayer, día 9 de mayo, Lugo conmemoró el día de Europa en la plaza Mayor.

    Cada 9 de mayo celebramos la paz y la unidad en Europa. Esta fecha marca el aniversario de la histórica Declaración de Schuman en la que este expuso su idea de una nueva forma de cooperación política en Europa, que haría inconcedible la guerra entre las naciones europeas. La propuesta de Schuman se considera el comienzo de lo que hoy es la Unión europea.

    Bandera de la Unión Europea

    Durante la tarde de ayer se realizaron varias actividades para la celebración de este día.

    Desde las 17:30h:

    • Sesión de música con DJ Marcos Peón
    • Talleres infantiles “Europa somos todos”
    • Circuito de vehículos eléctricos (ELucusBike)
    • Mesa informativa sobre el programa DUSI y LIFE
    • Sorteos de regalos

    A partir de las 18:30h: Acto institucional

    • Lectura de manifiesto: Lara Méndez, Alcaldesa de Lugo
    • Izado de la bandera de la Unón Europea con la colaboración de Star Dance

    O centro Europe Direct Lugo organiza o xoves unha xornada aberta e gratuíta sobre agricultura ecolóxica e o deseño de hortos sostibles

    o vindeiro xoves, 16 de decembro, a partir das 10:30 horas, terá lugar a xornada “Hortos urbanos e agricultura ecolóxica, cara a unha alimentación máis sostible”, no salón de actos do Centro de Empresas e Innovación (CEI-Nodus), situado en Garabolos.

    Será unha xornada aberta ao público e totalmente de balde, na que se afondará nos principios da agricultura ecolóxica e o deseño de hortos sostibles, coa participación de dous expertos: Carlos Brea Pallares, enxeñeiro agrícola, asesor de explotacións agrícolas e gandeiras e Máster en Calidade e Medio Ambiente; e Luis Ruiz García, profesor titular da Escola Técnica Superior de Enxeñería Agronómica, Alimentaria e de Biosistemas; responsable do proxecto LIFE Lugo+Biodinámico na Universidade Politécnica de Madrid (UPM).

    O Concello de Lugo lanza a iniciativa no marco da súa estratexia de sostibilidade, onde a alimentación de quilómetro cero e o autoconsumo son claves. Neste senso, a Alcaldesa, Lara Méndez, vén de presentar unha iniciativa enmarcada no proxecto LIFE, financiado pola Unión Europea, para a creación dunha innovadora zona verde na cidade, de aproximadamente 12.610m² no entorno da Garaballa, da que dará conta durante a xornada o profesor Luis Ruiz. Este espazo, situado a carón do edificio Impulso Verde, contará con novos hortos urbanos, adaptados a diferentes idades e usos sociais, proxectándose, deste xeito, hortos terapéuticos, para maiores, escolares, familiares e didácticos, en prol da convivencia interxeracional.

    Ademais, estes novos hortos urbanos uniranse aos xa acondicionados polo goberno de Lara Méndez nos últimos anos, nunha extensión de 3.000m² no parque dos Paxariños, como espazo de convivencia social ao redor da labranza individual de pequenas parcelas para autoconsumo.

    Nestes momentos, atópase aberto o prazo para renovar a concesión destes hortos, 32 en total, que se poñen ao dispor da cidadanía interesada, de forma totalmente gratuíta, coa única condición de que as usuarias e usuarios deberán prescindir de produtos químicos de sínteses. Este requirimento implica, alén, a fertilización orgánica da parcela, o uso de sementes ecolóxicas e de variedades locais, así como a súa rotación. Actualmente estanse a avaliar as solicitudes e a previsión é que no vindeiro mes de xaneiro poidan estar adxudicados.

    A agricultura ecolóxica é un dos ámbitos prioritarios de actuación incluídos no Pacto Verde Europeo (European Green Deal), a estratexia de crecemento sostible e integradora da UE, que ten como obxectivo impulsar a economía, mellorar a saúde e a calidade de vida das persoas e coidar da natureza.

    Programa

    • 10:30 Horas: Inauguración da xornada.
    • 10:45 Horas: Introdución á Agricultura Ecolóxica.
    • Concepto.
    • Diferenzas entre Agricultura Ecolóxica, Agricultura Convencional e Agricultura Industrial.
    • Principios da Agricultura Ecolóxica.

    Carlos Brea Pallares, experto Enxeñeiro Agrícola, asesor de explotacións agrícolas e gandeiras e Máster en Calidade e Medio Ambiente.

    • 11:45 Horas: Pausa café.
    • 12:00 Horas: Hortos ecolóxicos e hortos urbanos.
    • Do horto familiar ao horto ecolóxico. Compromiso ambiental. Cultivando saúde.
    • Hortos en pequenos espazos. Hortos urbanos. Hortos en balcóns e terrazas.
    • Condicionantes na implantación dun horto. Planificación e deseño do horto.

    Carlos Brea Pallares, experto Enxeñeiro Agrícola, asesor de explotacións agrícolas e gandeiras e Máster en Calidade e Medio Ambiente.

    • 13:00 Horas: Pausa café.
    • 13:15 Horas: Presentación dos novos hortos urbanos do Concello de Lugo, no marco do proxecto LIFE Lugo+ Biodinámico.

    Luís Ruiz García, profesor titular da Escola Técnica Superior de Enxeñería Agronómica, Alimentaria e de Biosistemas; responsable do proxecto LIFE Lugo+ Biodinámico na Universidade Politécnica de Madrid (UPM).

    • 14:15 Horas: Quenda de preguntas.
    • 14:30 Horas: Clausura da xornada.

    Diálogos Sobre o Futuro en Santiago de Compostela

    Os días 25 e 26 de outubro celebrarase en Santiago de Compostela a iniciativa Diálogos Sobre o Futuro.

    España logrou conquistar unha das maiores aspiracións de todo país: aumentar a esperanza de vida da súa cidadanía ata alcanzar niveis sen precedentes na historia. Iso trouxo aparellado un forte envellecemento da nosa pirámide demográfica, o cal é previsible que se agudice durante as próximas décadas.

    Que a poboación española viva máis anos constitúe unha enorme fonte de oportunidades, pero tamén un desafío para o noso Estado de Benestar. Como serán as pensións que cobremos en 2050? Que podemos facer para reter á poboación en idades máis avanzadas que queira seguir traballando? Como podemos impulsar o envellecemento activo? Que necesitamos para mellorar a cohesión interxeracional da nosa sociedade?

    Estas e outras preguntas serán os temas para tratar nestas xornadas que contarán coa participación de:

    • Miguel Ángel Escotet : Presidente de Afundación.
    • Diego Canga Fano: Consejero principal de la DG de Agricultura e Medio Rural da Comisión Europea.
    • Xosé Antonio Sánchez Bugallo: Alcalde de Santiago.
    • Yolanda Díaz: Vicepresidenta segunda e Ministra de Economía Social.
    • Alberto Núñez Feijóo: Presidente da Xunta de Galicia.
    • Dolores Puga: Científica titular do CSIC.
    • Ángel de la Fuente: Director Executivo de FEDEA.
    • Lourdes Bermejo: Vicepresidenta da Sociedade Española de Xeriatría e Xerontoloxía (SEGG).
    • José Luis Gómez: Periodista e editor do Mundodiario.com.
    • Diego Valero Carreras: Profesor da Universidade de Barcelona e Presidente de Novaster.
    • Cristina Estévez Navarro: Secretaria de Política Institucional e Políticas Territoriais da UGT.
    • Elisa Chuliá: Directoria de Estudios Sociais de FUNCAS.
    • Ana Bedia: Directora de 65ymas.com.
    • Pilar González Frutos: Presidenta da UNESPA.
    • José Antonio Herce: Presidente do Consello de Expertos do Instituto BBVA de Pensións
    • María Cadaval: Profesora de economía na Universidade de Santiago de Compostela (USC).
    • Fernanda Tabarés: Directora de Voz Audiovisual.
    • Sabela Couceiro: Coordinadora do área de envellecemto activo de Afundación.
    • Astrid Dentler: Membro do Gabinete da Vicepresidenta da CE e Comisaria de Democracia e Demografía, Dubravka Suica.
    • Luis Barriga: Director Xeral do Imserso.
    • David Facal: Profesor de Psicoloxía na Universidade de Santiago de Compostela (USC).
    • Josefa Ros Velasco: Investigadora na Universidade Complutense de Madrid.
    • Rocío Mosquera: Presidenta do Clúster da Saúde de Galicia.
    • JuanFernández Palacios: Director do Centro de Investigación Ageingnomics de Fundación Mapfre.
    • Juan Carlos Alcaide Casado: CEO de The silver Economy Company.
    • Manuel Vázquez Sola: Periodista e director no Punto GA Comunicación.
    • Isabel Cartón: Coordinadora de proyectos en Asociación Jubilares.
    • Fabiola García Martínez: Conselleira de Política Social da Xunta de Galicia.
    • Elena del Barrio: Co-Directora Matia Instituto Xerontol´´oxico.
    • Javier Yanguas Lezáun: Director científico Programa de Maiores en Fundación “La Caixa”.
    • Rita Penedo: Delegada de Europa Press en Galicia.
    • Antonio López: Rector da Universidade de Santiago de Compostela (USC).
    • Pedro Otero: Director Xeral de Afundación.
    • Diego Rubio: Director Xeral da Oficina Nacioal de Prospectiva e Estratexia.

    Consulta o programa das xornadas: https://www.espana2050.com/envejecimiento

    Dentro do marco destas xornadas, levaranse a cabo dous talleres cidadáns:

    Taller Cidadán: Qué te gustaría ser de maior? (25 de outubro de 17:00 a 18:00h)

    Moderado por Josefa Ros Velasco, Investigadora na Universidade Complutense de Madrid e creadora da primeira Sociedade de Estudos de Aburrimento.

    Taller Cidadán: Qué lle pedirías ao teu pobo ou cidade para envellecer ben? (26 de outubro de 11:00 a 12:00h)

    Moderado por Isabel Cartón, Coordinadora de proyectos de Asociación Jubilares.

    Únete e participa! #ElFuturoEstuyo #HablemosdeFuturo