WiFi4EU | Wifi gratis para os europeos

A iniciativa WiFi4EU promove o libre acceso dos cidadáns á conectividade wifi en espazos públicos como parques, prazas, edificios oficiais, bibliotecas, centros de saúde e museos de municipios de toda Europa.

A iniciativa WiFi4EU ofrece aos municipios a oportunidade de solicitar bonos por valor de 15.000 euros. Os bonos utilizaranse para instalar equipos de wifi nos espazos públicos do municipio que aínda non estén equipados cun punto de acceso wifi. 

A convocatoria de solicitudes publicarase o 03/06/2020 ás 13:00 (hora central europea de verán). Pode presentar a súa solicitude até o 04/06/2020 ás 17:00 (hora central europea de verán).

Quen pode participar na iniciativa WiFi4EU?

A iniciativa WiFi4EU está aberta aos organismos do sector público dos Estados membros da UE e dos países do EEE participantes (Noruega e Islandia). Só se admite a participación de municipios (ou administracións locais equivalentes) ou de asociacións de municipios. 

Máis información e inscricións aquí: https://bit.ly/2TiySyB